ولسه من جرحك بعانى ...

**Mezo 7oob** · #1 (**permalink**) 11-15-2008, 01:45 AM

انســــــــى !
انسى انى فى يوم
هنسى جرحك -- وأسامحك
انسى انى فى يوم
هاجى على قلبى وأصـالحك
انســـى
د انتى مهما كنتى
مش أغلى من قلبى
قلبى اللى جرحتيه
مش أغلى من عمرى
عمرى اللى كسرتيه
انسى
بس انا مش هنسى
انك انتى اللى فتحت للحب
كل الببان
وصحيتى جوايا الشاعر
والانسان
وصدقتك -- وحبيتك
وأغلى ما عندى اديتك
وفتحت لك قلبى
وجوه قلبى خبيتك
ونسيت دنيتى
ودنيتى انتى خليتك
وأيامى بقت انتى
واحلامى بقت انتى
حتى أشعارى كلها انتى
وأحزانى بتنسانى
وترجعلى بس لو غبتى
وفى عز ما كنت بحلم
والاحلام فى بحورها وخدانى
ورموشك سحابه صافيه
ماشيه معايا بترعانى
وحبك جنين لسه
بيتحرك فى رحم شريانى
لقيت ايدك يا أعز الناس
بخنجر غدر طعنانى
صرخت -- ومن صدمتى
كانت صرختى
من غير صوت
سخرتى من صرختى
وابتسمتى !
ابتسمتى وأنا بنزف
نزيف الموت
وعشت أتعذب بجرحى
اتعذبت كتير
واتألمت كتير
لا شفت يوم الرحمة
فى عيونك
ولا مرة حسيتى بعذاب الضمير
انســـــى !
بس انا مش هنسى
وأنا لسه من جرحك بعانى
ومن امته الضحيه
بتنسى قسوة الجانى
من امته الضحيه
بتنسى قسوة الجانى

ميزو ...

**sama,soma** · #2 (**permalink**) 11-15-2008, 02:13 AM

يا ميزو يا جاااااااااااااااااااااااا ااااامد

**Mezo 7oob** · #3 (**permalink**) 11-15-2008, 02:27 AM

ميرسى ليكى يا قمر على الرد الجاااااااااااااااااااااا مد ده

ميزو ...

**امورة فلسطين** · #4 (**permalink**) 11-15-2008, 07:35 AM

شكررا موضوعك كتييير حلو

**Mezo 7oob** · #5 (**permalink**) 11-15-2008, 09:38 PM

ثانك يو يا اموره

ميزو ...

**mohamedelsaman** · #6 (**permalink**) 11-16-2008, 12:13 AM

على مهلك شويه احنا مش قد مواضيعك الجامده ياميزوووووووووو بصراحه الموضوع جاااامد اخر حاجه

**Mezo 7oob** · #7 (**permalink**) 11-17-2008, 10:29 PM

ماشى يا عم محمد انت تأمر

ميزو ...

**cattybosbos** · #8 (**permalink**) 11-19-2008, 10:34 AM

والله عنده حق

اقتباس:

على مهلك شويه احنا مش قد مواضيعك الجامده

مواضيعك كلها جامده يا ميزو

**Mezo 7oob** · #9 (**permalink**) 11-23-2008, 12:27 AM

ثانك يو يا شيماء على ردك الجميل يا جميل

ميزو ....

**جوليت2070** · #10 (**permalink**) 11-23-2008, 07:30 PM

بجد كلمات كلها احساس
و فعلا لما الانسان بيتجرح من اللى بيحبه بيبقى
صعب اوى انه ينسى الجرح ده فى يوم من الايام
علشان محدش بيتجرح اوى
غير لما بيكون بيحب اوى و بيبقى صعب ان الايام تداوى الجرح ده
بجد موضوع جميل
و مستنين منك مزيد من المواضيع الجميلة دى