نفسى نفسى نفسى تفسرولى الاحلام دى

**tota_545** · #1 (**permalink**) 08-16-2007, 07:42 PM

السلام عليكم ورحمة الله وبركاته
بجد هايلة جدا الفكرة دى واتمنى تفسرولى الاحلام دى هى احلام خاصة بى لكن اللى حلم بيها اشخاص اخرين وهاكون شاكرة جدا جدا جدااااااااااااااااااااااا ااا
الاول : كان فى شاب اتقدم للارتباط وماحصلش نصيب لانى رفضته وبعد فترة اتصل بى هذا الشخص وقالى انه رانى فى حلم وانا بامشى فى ارض فيها زرع اخضر وواقفة وسط نبات عباد الشمس وبانظر للسماء وهو جاء يتعرف مين البنت دى لحد لما قرب وعرف انه انا فسلم على وسلمت عليه وقالى انتى بتعملى ايه هنا فقلت له انا كان نفسى من زمان اجى هنا والحمد لله ربنا وفقنى
الثانى : مرات اخويا حلمت انى كنت باخد شاور ولما خرجت من الحمام قالت لى تعالى اسرح لك شعرك فوجدت شعرى طويل جداااا وجميل وكانت مستغربة ازاى انا لسه خارجة من الحمام وشعرى حلو كده كانى خارجه من الكوافير
الثالث: مرات اخويا حلمت انى انا وهى وبنت اخويا وهى طفله عمرها سنتين راكبين العربية بتاعتى واحنا ماشيين انا اتخبطت فى حاجة والعربية اتفكك منها اجزاء ولما هى فاقت من الصدمة لقت نفسها ومعاها بنتها وانا مش موجودة والموجود هو الموبايل بتاعى بس وهما كانو كويسين ومافيش فيهم اى اصابة
الرابع : صديقتى المقربة جدا حلمت انها قالت لى انا هاجيبلك خمس شنط هدية وجابت واحدة وقالت لى خدى دى لحد لما اجيبلك الباقى فانا قلت لها لا هاتى 3 بس لان دى كويسة اوى وتعتبر باتنين

**HIGOODMAN** · #2 (**permalink**) 08-17-2007, 12:58 PM

السلام عليكم أختي
الحلم هيوصلك تعبيره إن شاء الله
وإن كنتي عاوزه تفسري أحلام أخري أدخلي علي الرابط ده
http://www.azharway.com/vb/forumdisp...ysprune=&f=104
وهيوصلك التفسير إن شاء الله
قال الرسول صلي الله عليه وسلم (( الرؤيا الحسنة هي البشرى يراها المؤمن أو ترى له ))

**tota_545** · #3 (**permalink**) 08-17-2007, 11:02 PM

السلام عليكم ورحمة الله وبركاته
شكرا لك يا اخى وجزاكم الله خيرا وانا فى انتظار التفسير