ممكن نتعرف بشخصية حضرتك؟؟؟؟؟

**roroo five stars** · #1 (**permalink**) 02-04-2007, 02:40 PM

الاول نقول بسم الله الرحمن الرحيم
ونلبس النظارة كدة عشان نشوف كويس
المهم
مش هطول كتير الموضوع دة ياجماعة هيخلينا نعرف شخصيات الاعضاء اكتر
يعنى مثلا
اى حد يدخل يعرفنا بشخصيته ويقول ايه احسن حاجة بيحبها فى شخصيته وايه اللى مبيحبهوش
ومحدش يقول بقة انا مقدرش احكم على نفسى والكلام دة
كلنا نحاول نعرف شخصيتنا (وبلاش كدب من اولها ههههههههه)
المهم ياجماعة يعنى احنا بنقولكم ممكن نتعرف على شخصية سيادتكم
ودة يخلى المنتدى كله يعرف بعضه واللى ميعرفش حد اكيد هيعرفه وياريت الكل يشارك
يلا انا مستنيه ردودكم ومستنيه اكتر اتعرف على اجمل شخصيات فى العالم (بثبتكم ياجماعة)
يلااااااااااااااا
وياريت اللى يدخل ويكتب مشاركة يقول شخصيته علطول
تحياتى لكل اللى فى المنتدى ومستنيه الردود

**abo saif** · #2 (**permalink**) 02-04-2007, 07:48 PM

على فكرة رورو موضوع جميل جدا وانا بشكرك عليه
بس انا جاى دلوقتى اثبت وجود بس
وهرجعلك تانى
تقبلى مرورى

**roroo five stars** · #3 (**permalink**) 02-04-2007, 11:33 PM

شكراااا على مرورك الجميل ياابو سيف
وياريت باقى الاعضاء يشاركوا

**عـ( الليل )ـازف** · #4 (**permalink**) 02-05-2007, 01:44 AM

إحم ... إحم

السلام عليكم اولا

المهم ان انا شخصية ....

مش عارف """ انا شكلى فقدت الذاكرة

بس على العموم

انا انسان ومش هاقول اكتر من كده

علشان انا كده خلقتى كده

ههههههههههههههههههههههه

تسلم ايدك ع الموضوع

سلام

**ZEKO™** · #5 (**permalink**) 02-05-2007, 09:10 AM

اكيد كل واحد شايف في نفسه الصح وشايف في نقسه الغلط

بس الانسان الي بيفكر صح لازم تكون اخطائه اصغر من

صحيحه وميديش فرصه لمخلوق انو يتكلم عليه كلمه غلط ولو في غيبته

واكيد يخلي فكره اكبر من الي بيتكلم معاه ولا انتي رئيك ايه

**roroo five stars** · #6 (**permalink**) 02-05-2007, 02:24 PM

اكيد يابانثر كلامك تمام

طيب بما ان مفيش حد عرف شخصيته لغايه دلوقتى
اكون انا اول الناس
انا بأختصار ياجماعة انسانة طيبه
وبحب كل اللى حواليا ومبحبش انى ازعلهم او اضايقهم منى
بحب اهلى جداااااا وبحب ميلودى سفن كمان
احب انى اكون انسانه ليا موقف فى الحياة او ليا أثر الناس تفتكرنى بيه حتى ولو مش موجودة
وياريت يفتكرونى بالخير يعنى هههههههههههه
احب اخدم اللى قدامى اوى بس مبحبش اللى يستغلنى
وساعات احب اتكلم وساعات احب الهدوء وانى اقعد وافكر مع نفسى والله بتخلينى افكر فعلا تفكير كويس جداااا لانى بفكر مع نفسى كدة وبشوف ايه الصح وايه الغلط وبيكون فى الاخر القرار صح
لو مضايقة او مخنوقة بحب احكى مع الناس اللى بحبهم وبتفهمنى
وبحب اصحابى اوى ومقدرش اعيش من غيرهم
دى حاجة بسيطة كدة من شخصيتى وان شاء الله هبقى اكمل بعدين
وانا منتظرة الردود وشكرااااااا

**الحب** · #7 (**permalink**) 02-05-2007, 08:26 PM

ميرسى ليكى رورو على الموضوع الجميل دة

انا اسمى احمد
من المنصورة
ساكن بالظبط عند ماما وبابا

من صغرى وانا بحب اضايق اللى اكبر منى هههههههههههههههه

بس دلوقتى خلاص الحمد لله بطلت

دلوقتى انا مشغول بالانسانه اللى بحبها وبس

اة اة نسيت انا خريج بكالوريوس إدارة اعمال

وبحب اوى

ثوانى بس سنعود بعد الفاصل

استنوا شويه ..................؟

إمضاء

احمد

الحب

**lito** · #8 (**permalink**) 02-22-2007, 04:42 AM

موضوع هايل ولي عوده

مشكوره يا رورو

دمتي بخير

**سومة** · #9 (**permalink**) 02-22-2007, 01:29 PM

انا بقى هقولك بحب ايه فياوايه العيوب فيا؟
انا انسانة طيبة حساسة اوى بحب كل الناس وبحب الخير وصادقة
عيوبى:
انى صريحة اوى زيادة عن الللزوم وكتير بيزعلو من كدة لان الصراحة اصبحت عيب فى زماننا ده
انى باجى على نفسى كتير ودى حاجة عاوزة اتخلص منها
تالت حاجة ودى الاهم:انى لما بكره حد مابعرفش احبه تانى ولا اسامحه مهما حصل
بصدق كلام الناس بسرعة وبثق فى اى حد بسهولة
مرسى على موضوعك

**madonna_star** · #10 (**permalink**) 02-22-2007, 08:35 PM

رورو موضوعك جميل جدااااا
اكتر حاجه بحبها فيا الصراحه الوضوح الاحتفاظ بكل اسرارى باخد على اى انسان بسرعه جدا بحب التعرف والمزيد من الخبرات
عيوبى::::::::::::::::::::عصبيه جداااااااااااااااااااااا برج الثور بقى هههههههههههه دى اكتر حاجه مش بحبها فيا وانا متسرعه فى قرراتى واحب اتخلص منها ومن كل عيوبى
ميرسى تانى ليكى يا رورو