فى حاجات كتير فى حياة كل واحد فينا بيخاف منها وانا بنفسى جربت وعشت عمرى خايفة من حاجات كتير اوى بخاف اوقات من الناس وبخاف اوقات من الكلام وبخاف من انى اقول اللى جوايا بخاف من صديق بخاف من غريب بخاف من حاجة عملتها رغم انى كنت عايزة اعملها وبخاف من حاجة لسة معملتهاش رغم انى عايزة اعملها بخاف من لوم الناس بخاف من كلام الناس بخاف من حب الناس وبخاف من غدر الناس وبخاف من الحب وبخاف من حبيبى وبخاف من قريبى وبخاف وبخاف وبخاف وبخاف بس لو بصينا كلنا حنلاقى ان كل خوف بيكون له سبب ما هو محدش بيخاف من غير سبب بس لو جينا بصينا على الاسباب حنلاقى ان الموضوع مش مستاهل الخوف واوقات احنا بنكون بنبالغ بس عارفين اصعب انواع الخوف ايه الخوف من بكرة انا اصلى دايما بفكر فى بكرة رغم انى عندى يقين تام ان بكرة بايدين ربنا سبحانه وتعالى بس لازم اخاف من بكرة عارفين بخاف من بكرة امتى لما ببص على امبارح وعلى انهاردة ودايما يقولو بكرة احلى من انهاردة يا ترى بجد بكرة احلى من انهاردة متهيالى انه فعلا بكرة ممكن يكون احسن من انهاردة فى حاله واحدة بس اننا منكررش اخطاءنا ومنعملش اى حاجة عملناها قبل كدة ومنخترش نفس اختيارتنا ومنمشيش فى نفس الطريق اللى مشينا فيه امبارح وانهاردة حاول دايما تجدد حياتك وحاول انك متنساش ذكرياتك لان ذكرياتنا جزء كبير مننا منها بنتعلم غلطنا ونشوف احنا عملنا ايه ضرنا ولو كل واحد بص على ذكرياته حيفضل خايف انه يقدم خطوة جديدة فى حياته حاول تشيل الخوف من قلبك ومتكررش نفس الغلط اللى قابلك وجرب وقولى حصلك ايه انا بدات الموضوع دة ولحد دلوقتى لسة مقدمتش خطوة ولا اخرت خطوة بس حاسة ان الموضوع مكن ياخد وقت متزهقش لو دة حصلك ما هو مافيش حاجة بتيجى فى يوم وليلة واحلى حاجة الحاجة الى بتيجى بعد صبر وانتظار لانك بتكون تعبت فيها لكن خليك اى عارف ان اى حاجة بتيجى بسرعة لازم لازم بتروح بسرعة تعالو نختار صح ونتعلم من اللى فات ونصبر على اللى جاى
10-15-2007, 10:05 AM
رد: متخفوش (( دعوة للبدء من جديد )) 
العرض العادي
المواضيع المتشابهه 
