لو عندك أى سؤال طبى ,, ادخل و أسأل و ستجد الاجابه أن شاء الله

**rubypharma** · #1 (**permalink**) 04-26-2007, 01:07 PM

اى عضو عاوز يستفسر عن اى حاجه ,, مرض معين ,, دواء معين ,, اى حاجه تتعلق بأى استفسار طبى يسأل و ان شاء الله هيلاقى أجابه لسؤاله على طول

**الحب** · #2 (**permalink**) 04-26-2007, 01:46 PM

السلام عليكم ورحمه الله وبركاته

اود ان اقدم تحياتى الى منتداى الغالى وما يقدمه كل يوم من خدمات للاعضاء والزوار واوجه شكرى الخاص الى القائمين على لك من خلال شاشه المنتدى

دمتم بكل خير وبصحه غاليه

دكتورة/ rubypharma

عندى سؤالين
الاول
يوجد دواء او طريقه معينه تساعد الانسان على ترك العادات السيئه التى تملكت منه مثل التدخين

الثانى
هل يوجد علاج سريع وفعال للانتهاء من مشكله حب الشباب المتواجدة الان وبكثرة بسبب إستخدام الكثير من الجنسين لكريمات ومواد تجميل ضارة بالبشرة

تمنياتى اليكم بدوام الصحه والعافيه

**rubypharma** · #3 (**permalink**) 04-27-2007, 06:08 AM

اقتباس:

المشاركة الأصلية كتبت بواسطة الحب

السلام عليكم ورحمه الله وبركاته

دكتورة/ rubypharma

عندى سؤالين
الاول
يوجد دواء او طريقه معينه تساعد الانسان على ترك العادات السيئه التى تملكت منه مثل التدخين

الثانى
هل يوجد علاج سريع وفعال للانتهاء من مشكله حب الشباب المتواجدة الان وبكثرة بسبب إستخدام الكثير من الجنسين لكريمات ومواد تجميل ضارة بالبشرة

تمنياتى اليكم بدوام الصحه والعافيه

شكرا الحــــب على مبادرتك بالاسئله

اول سؤال كان العادات السيئه و ادمانها ازاى نعالجها

1- بدايه حلها ان يكون الشخص المدمن عليها عارف انها عاده سيئه و انه يكون بالفعل عاوز يتخلص منها يعنى لو هو بدأ يدور على حل ليها يبقى ان شاء الله هيتخلص منها

يبقى اول حاجه الاراده و العزيمه و لو كان حاول كذا مره يتخلص منها و فشل يشوف ايه اسباب فشله فى الاقلاع من العاده دى و لازم يحط فى باله انه مش بيضر نفسه بس بيضر اخواته و اهله أو ولاده معاه من أثار الدخان نفسه

نيجى للتدخين بالاخص ,, التدخين نوع من انواع الادمان زى ادمان الكحولات بالضبط

تدخين = نيكوتين فى الدم

و اللى بيخلى اى شخص يدمن على التدخين هو ان الدم اللى فى جسمه فيه نيكوتين و لما بيقلل من الدم يبدأ احتياج الشخص للتدخين

فى 3 حلــــــول :-

1- حل الدول الغربيه :- بدأو يشوفوا حل للمدخن بحيث انه يأذى نفسه لكن مش يأذى اللى حواليه
و هو عباره عن العلكه او لبانه فيها نسبه من النيكوتين ,, أو اللواصق اللى بتتلزق على الجلد و برضو فيها نسبه من النيكوتين
و دا حل علشان على الاقل يتخلص من اضرار الدخان و امراض الصدر الناتجه عنه و كدا يكون بيحمى اللى حواليه من الدخان اللى بيضرهم اكتر منه

الحل دا للناس اللى من جواها اصلا مش عاوزه تبطل التدخين ,, بدل هى راضيه تأذى نفسها ماشى لكن بلاش الناس اللى حواليها علشان مالهاش ذنب

2- الحل التانى :- انك تتخلص من النيكوتين اصلا اللى فى دمك و دى طريقه ناجحه ان شاء الله

انك مثلا لو بتدخن 10 سيجارات فى اليوم حاول تقلل ل 9 فى اليوم و بعدين 8 فى اليوم لمده اسبوع مثلا
و هكذا تقلل واحده واحده ,, الدم فى جسمك بالبلدى مش هياخد باله من ان كميه النيكوتين فيه بتقل لانها هتقل بنسبه بسيطه اوى و تفضل تقلل واحده واحده

هتلاقى انك فى يوم وصلت انك مش محتاج السيجاره اصلا

3 - الحل التالت :- فى بعض الادويه فيها مواد تشبه النيكوتين فى تركيبه و لما بياخدها الشخص المدخن الجسم مش بياخد باله اذا كان دا نيكوتين او لأ فبيعتبره نيكوتين و على الاساس دا مش بيحتاج السيجاره اللى بتمده بالنيكوتين

كل الحلول دى مش هتنجح معاك الا اذا كان جواك عاوز تتخلص من التدخين فعلا و اقنع نفسك ان السيجاره دى عدوك اللدود

حاجه كمان لو قدرت تتخلص من التدخين لمده 21 يوم ورا بعض عمرك ما هترجع تدخن تانى ان شاء الله

**rubypharma** · #4 (**permalink**) 04-27-2007, 06:42 AM

اقتباس:

المشاركة الأصلية كتبت بواسطة الحب

السلام عليكم ورحمه الله وبركاته

الثانى
هل يوجد علاج سريع وفعال للانتهاء من مشكله حب الشباب المتواجدة الان وبكثرة بسبب إستخدام الكثير من الجنسين لكريمات ومواد تجميل ضارة بالبشرة

تمنياتى اليكم بدوام الصحه والعافيه

حب الشباب :- فى كذا نوع منه فى اللى بينتشر على الوجه فقط

و اللى بنتشر على الوجه و الكتف و بعض اجزاء الجسم الاخرى

أسبابه :-

1 - ان بتكون طبيعه البشره دهنيه
2 - او بسبب زياده افراز هرمونات معينه فى فتره سن معين و بتكون من 16 سنه الى 27 سنه تقريبا

علاجه :-

1- العلاج الدخلى - و هو اللى بيمنع ظهورها من البدايه أو يقلل من ظهورها

يعنى تنظف جسمك من جوا علشان ينظف من بره

الاكل : - ابتعد عن الاكلات الحريفه او الحاميه يعنى بلاش فلفل و شطه و الحاجات دى
البيبسى و المكسرات و الشيكولاته و الاكلات الدسمه

الحاله النفسيه :- يعنى انا عارفه انها حاجه مش بأيدينا لكن بقدر الامكان نحاول نبعد عن التوتر و القلق

النظافه الشخصيه :-

بالنسبه للبشره الدهنيه نتيجه تكون الدهون و تراكمها بسرعه على الوجه و لما بتتراكم بتسد المسامات فتبدأ تتكون داخل الجلد فبتظهر الحبوب

بالاضافه الى وجود انواع من البكتيريا تسبب فى ظهور حب الشباب

يبقى الغسيل المتكرر للوجه بالصابون مش اقل من 10 مرات فى اليوم بمياه فاتره علشان ميحصلش جفاف للوجه ,, يعنى مش دافيه و لا بارده و,, سيبك من صابون طبى و الكلام دا ,, صابون عادى جدا ,,

و بالنسبه للى بيظهر على جسمه حبوب شباب يبقى الاستحمام اليومى بمياه دافئه يوميــا

2- العلاج الخارجى :- و دا اللى بيمحى و يزيل أثار حب الشباب اللى بالفعل ظهرت على الوجه

I - فيه لوشن اسمه دورين Dorin دا كويس اوى و نتيجته سريعه و فعاله

II - السنفره بالكريستال أحسن انواع التخلص من أثار حب الشباب و هى عباره عن جلسات اسبوعيه و نتيجتها ما شاء الله ,, و ليس لها اى اثار جانبيه

بلاش الليزر الا اذا كنت واثق اوى من الطبيب و اتقانه لاستخدامها

III - ماسكات طبيعيه :- انجحهم الترمس المر المطحون يخلط بالعسل و ماء الورد و يترك على الوجه مده تتراوح بين 15 الى 20 دقيقه

و أنا فى انتظار اى سؤال تانى يا الحب و يارب اكون قدرت اجاوب على أسئلتك

**الحب** · #5 (**permalink**) 04-27-2007, 02:09 PM

ميرسى ليكى دكتورة/ rubypharma

وإن شاء الله ربنا يوفقنى واقدر ابعد عن التدخين

اليكى خالص تقديرى

**قبطان ميذو** · #6 (**permalink**) 04-27-2007, 07:21 PM

شكرا على الموضوع الاكثر من رائع
لدلى استفسار

**rubypharma** · #7 (**permalink**) 04-29-2007, 09:10 AM

اقتباس:

المشاركة الأصلية كتبت بواسطة m7lody

شكرا على الموضوع الاكثر من رائع
لدلى استفسار

أتفضل أستفسر عن اللى انت عاوزه

؟؟

**الحب** · #8 (**permalink**) 04-29-2007, 07:52 PM

اختى الغاليه rubypharma

تقديرى اليكى والى مجهودك الغالى على هذا الموضوع الرائع

سؤالى للتاكيد

العلاج اللى قولتى عليه بالنسبه لحب الشباب ينطبق على جميع انواع البشرة أم لا

ومشكورة اختى الغاليه

كدة ضمنت ابقى نزيل دايم فى عيادة حضرتك يادكتورة

دمتى بكل خير

اللهم اشفى مرضانا وارحم موتانا يا أرحم الراحمين

**rubypharma** · #9 (**permalink**) 04-30-2007, 07:41 AM

اقتباس:

المشاركة الأصلية كتبت بواسطة الحب

اختى الغاليه rubypharma

تقديرى اليكى والى مجهودك الغالى على هذا الموضوع الرائع

سؤالى للتاكيد

العلاج اللى قولتى عليه بالنسبه لحب الشباب ينطبق على جميع انواع البشرة أم لا

ومشكورة اختى الغاليه

كدة ضمنت ابقى نزيل دايم فى عيادة حضرتك يادكتورة

دمتى بكل خير

اللهم اشفى مرضانا وارحم موتانا يا أرحم الراحمين

ربنا يخليك و لا مجهود و لا حاجه و اعذرونى اذا كنت فى الايام دى مش متواجده بأستمرار لانى استلمت التكليف و انتوا عارفين شغل الحكومه بأه

بالنسبه لسؤالك عن ان العلاج لجميه انواع البشره

هو حب الشباب مش بيظهر غير على البشره الدهنيه لانه ناتج عن تراكم الدهون اللى على البشره

علشان كدا اى مستحضر دوائى او ماسكات هتلاقيها بتنشف البشره لان هدفها التخلص من الدهون

حتى السنفره و الليزر بيبقى هدفها تنظيف البشره من الدهون

اذن العلاج الدخلى و الخارجى يلائم 100 % من اصحاب البشره الدهنيه

مع ان يشرفنى انك تسالنى على اى حاجه بس ربنا يبعدك عن الادويه و الدكاتره

و منور الموضوع يا الحب

**الحب** · #10 (**permalink**) 04-30-2007, 03:28 PM

ميرسى ليكى اختى الغاليه rubypharma على الاجابه

وجزاكى الله خيرا

دمتى بكل ود وإحترام