كدا عال العال

**Zamalek-style** · #1 (**permalink**) 06-16-2008, 11:35 PM

السلام عليكم ياللى فاهمين الاصول

السلام عليكم ياللى مش بيفرق معاكو حد مهما قدم لكو

علشان لما اكون انا كابو اللى عامل اعلى مشاركات ف ميلودى سفن

كابو اللى من اكتر الناس اللى شغاله ف المنتدى يوميا

كابو اللى مكون صداقات كبيره جدا ف ميلودى

كابو اللى ناس كتير بتعمله الف حساب

ياخد باند ومن غير تحذير

طيب الباند ده لواحد بيستظرف ع الناس

بيقول الفاظ مش كويسة

غتت الناس مش بتحبه

مش كابو اللى من اشهر الشخصيات ف ميلودى

كابو اللى كل يوم بيخلى واحد من اصحابه يشتركه ف ميلودى

وعامل لميلودى اعلى شغل

ويا ريت الباند كان على حاجة تستاهل

الا كان رد على حد معمليش احترام

ومن غير ما حد يقولى يا كابو خد بالك وفكك منه

الا لا ادخل يقولى انت موقوف

ليه هو انا عيل ولا صغير ف المنتدى

هو ده اخره اللى انا قدمته لميلودى سفن

شكرا اوى

وانا عاوز ادى انظار لكل واحد له قيمته وهيبته ف المنتدى

انت ممكن تتباع ف ثانيه

من كابو لاى عضو واخد باند

شكرا اوى

وفعلا

هل جزاء الاحسان الا الاحسان ؟

مكنش العشم يا ميلودى

**دنيا** · #2 (**permalink**) 06-16-2008, 11:59 PM

وعليكم السلام ورحمة الله وبركاته

دا على اساس انى بفهم فى الاصول

اولا كابو مش هختلف على اى حاجه قولتهاا عن نفسكـ

وعشان كل الميزات اللى انت ذكرتهاا دى

انت اخدت باند

لأنكـ مش حد قليل عشان تغلط

وما تنكرش انكـ غلط

انا شوفت المشاركات ورد نشوى عليكـ

وانتو الاتنين مش مجرد عضوين وبس

المفروض يكون فى حدود للمنتدى

وتلتزمو

لما انت تعمل كدا اى عضو صغير جديد يدخل المنتدى ويشوف ده يعمل ايه؟

المفروض تكون قدوه

والباند بس 7 ايام يعنى مش دائم ولا حاجه يعتبر بس إنذاار

وميلودى ما يظلمش حد

وانت يا كابو على رسناا من فوق

وياريت تاخد الموضوع بصدر رحب شوياا

**Zamalek-style** · #3 (**permalink**) 06-17-2008, 12:07 AM

مع احترامى يا دنيا

الباند لو فعلا استمر 7 ايام

يبقى مفيش كابو ف المنتدى تانى

ومش هقول اكتر من كدا

لان كلمة باند دى هتقلل منى جدا انى مليش وزن ف المنتدى

وشكرا ياللى اكتر حد ف المنتدى بذكره بخير ف كل حته بروحها

ومكنتش اتصور ابدا ان انت اللى عملتيه

ودى حاجة متتصوريش عملت فيا اية

انا دلوقت مشكلتى مبقتش الباند

مشكلتى ان دنيا هى اللى عملت معايا كدا

**♥مـجـرد انـسـ،ـانــه♥** · #4 (**permalink**) 06-17-2008, 12:11 AM

اهدوا بس كده ياجماعه

بالراحه يا كابو

ايه حصل ؟؟

ياريت تفهمنا لنعرف فين الغلط ونصلحه

بالراحه احنا مش اى شئ بسيط بيربطنا سوا اللى بينا اكبر من كده

ايه حصل وفين الموضوع اللى غلط فيه كابو يادنيا لنفهم بس !!

**د/احمد** · #5 (**permalink**) 06-17-2008, 12:13 AM

اهدا بس ياكابو
وكلة هيتحل يامان
احنا مش صغيرين
دى مشكلة وهتتحل ان شاء الله

**د/احمد** · #6 (**permalink**) 06-17-2008, 12:13 AM

ياريت تحط اللنك اللى فية اخلاف ياكابو
بعد اذنك

**Zamalek-style** · #7 (**permalink**) 06-17-2008, 12:15 AM

يا جماعة انا مشكلتى مش باند

مشكلتى ان محدش قاللى حاجة

ازاى انا يبقى جنب اسمى banned

ومن اكتر حد فعلا بحبه ف المنتدى

انا مش متخيل اللى حصل

**د/احمد** · #8 (**permalink**) 06-17-2008, 12:17 AM

ياكابو عشان نعرف مين اللى غلطان
ياريت اللنك بعد اذنك

**دنيا** · #9 (**permalink**) 06-17-2008, 12:17 AM

اقتباس:

المشاركة الأصلية كتبت بواسطة Zamalek-style

مع احترامى يا دنيا

الباند لو فعلا استمر 7 ايام

يبقى مفيش كابو ف المنتدى تانى

ومش هقول اكتر من كدا

لان كلمة باند دى هتقلل منى جدا انى مليش وزن ف المنتدى

وشكرا ياللى اكتر حد ف المنتدى بذكره بخير ف كل حته بروحها

ومكنتش اتصور ابدا ان انت اللى عملتيه

ودى حاجة متتصوريش عملت فيا اية

انا دلوقت مشكلتى مبقتش الباند

مشكلتى ان دنيا هى اللى عملت معايا كدا

كابو اولا انت عارف انا اد ايه بحبكـ وبحترمكـ

لأنكـ حد محترم جداً

لما جالى لينكـ الموضوع وقريت فعلا استغربت

وكان لازم يكون فى عقاب لده لانكـ مش اى حد ولا نوشا اى حد

عشان يبقى اكبر حد معانا بنتعامل معاه زى اصغر حد مش بنظلم

ويا كابو ما اعتقدش ان غياب 7 اياام هيهز صورتكـ مهما أن كان

المهم اعمالكـ اللى بتدل عليكـ داخل المنتدى

وانا كدنيا الصديقه بعتذر لان الموضوع خارج عن اردتى

دا منتدى وقوانين والتزام

**د/احمد** · #10 (**permalink**) 06-17-2008, 12:18 AM

الباند مشكلتى بسيطة
واكيد دنيا مش قصدها اهانة ياكابو
بيتهيألى ان المنتدى كلة عارف اخلاق دنيا
واخلاقك انت كمان يامان
صلى على النبى واهدا