|
| |||||||
 |
| | LinkBack | أدوات الموضوع | إبحث في الموضوع | انواع عرض الموضوع |
04-05-2008, 08:09 PM
| ||||
| ||||
 سمع هس مبارك وعلاء والحضرى والمفتى ورقصنى ياجدع سمع هس ... الريس هايدّخل في الموضوع يا جماعة ... موضوع إيه إن شاء الله .. خمن كده موضوع إيه أكيد موضوع البنت المصرية اللي ماتت على الحدود بين مصر وإسرائيل وهيا بتلعب أمام منزلها لأ يا عم .. مش هايتدخل في الموضوع ده .. هو ده موضوع الريس يتدخل فيه برده ...!!! أمال هايتدخل عشان يحل مشكلة رغيف العيش ... لأ يا عم أمال هايتدخل عشان يحل مشكلة المواصلات ... يا عم لأ أمال هايتدخل عشان يحل مشكلة انخفاض الأجور والمرتبات ... يييييييييييييييييه يا عم لأ أمال هايتدخل عشان يحل مشكلة ارتفاع أسعار جميع السلع الغذائية والغير غذائية ... أنت شكلك مش عاوز تفهم .. ولا دي كمان أمال ها يتدخل لحل مشكل الناس اللي بتموت على حدود إيطاليا .. يابني هيا دي حاجة .. دي حاجة هايفة قوي ... الريس ما بيتدخلشي غير في الحاجات المهمة ..... انا خلاص زهقت ما فاضلشي حاجة تانية مهمة ... فكّر شوية ... فكّر وقول ليا إيه أهم حاجة مهمة وبتشغل بال الجميع في مصر اليومين دول ... آه عرفت قولي أكيد الريس هايتدخل عشان يحل مشكلة حصار غزة وهايوقف ضرب الطائرات الإسرائيلية للمواطنين الفلسطينيين ... لأ يا عم .. خلينا جوه مصر المشكلة اللي الريس اتدخل فيها مشكلة داخلية ... ركز معايا بقى خلاص هاركز .. بس أنا قلت لك كل المشاكل اللي في دماغي .. هو فيه مشاكل تانية مش في دماغي .. بس أصبر عليا شوية .. أنا لسه هاصبر .. الحضري يابني مين الحضري ده .. !!؟؟ كمان مش عارف مين الحضري .. أنت مش عايش في الدنيا .. يابني روح موت ياعم أموت إيه بس .. ما أنا ميت خلقة ... بالراحة عليا شوية حاضر .. اسمع وما تقاطعنيش مش هاقطعك خالص فيه نادي كرة قدم في مصر اسمه النادي الأهلي هو أكبر نادي في مصر من حيث البطولات التي فاز بها ومن حيث عدد جماهيره ومن حيث الميزانية بتاعته ..... المهم الفريق ده عنده حارس مرمى اسمه عصام الحضري موقع معاه عقد ينتهي في سنة 2009 الحارس ده بيلعب في منتخب مصر المنتخب لما راح يلعب كاس الأمم الإفريقية في غانا والمنتخب المصري فاز بالبطولة دي اختاروا عصام الحضري كأحسن حارس مرمى في إفريقيا الحارس ده يا عم اللي اسمه الحضري طقت في دماغه يروح يحترف في بلاد أوروبا وجه له عرض من نادي سويسري مغمور اسمه نادي سيون فوقع معاه عقد على الرغم من أنه قانونا لا يجوز توقيع عقدين لنادين مختلفين في ذات الوقت ... وخد بعضه وهرب من النادي الأهلي وسافر لسويسرا هو ومراته واتدرب مع الفريق السويسري ومراته خلعت الحجاب من أول ما وطأت قدماها بلاد سويسرا ... يا خبر أبيض .. قلعت الحجاب .. بالسهولة دي يابني ارحمني ما تقاطعنيش ... ارحمني أرجوك ... النادي الأهلي قرر إنه ما يسيبشي حقه .. ازاي لاعب موقع معاه عقد يهرب ويسيب النادي بدون إذن ويوقع عقد مع نادي آخر .. ده غير قانوني فعلاً .. فقرر الأهلي رفع قضية على عصام الحضري والنادي السويسري ... الرأي العام طبعاً كله كان ضد الحضري لأنه التصرف اللي عمله تصرف مخزي وسيء جداً فهو قد هرب من ناديه بدون أخذ إذن من ناديه وترك النادي في وسط موسم المباريات الهامة وهذا لا شك تصرف يتعارض مع ألف به مبادئ وأخلاق وبدأت الصحف في شن حملة ضارية على الحضرية ووصفته بالهارب والخائن والمتمرد وشوية حاجات من اللي قلبيك يحبها ...!! حصل كلام كثير رايح وكلام كثير جاي .. وفجأة لقينا الحضري راجع مصر ... وفي استقباله أعداد كبيرة من عربيات الأمن المركزي لحماية البطل المغوار ... إيه اللي حصل .. مش عارف ... تسربت أخبار بعد يوم فقط من عودة الحضري إن علاء مبارك .... مين علاء مبارك ده ...!!؟؟ يالهوووووووووووووي ... أصوت يا جدعان انت ما تعرفشي علاء مبارك كمان لأ .. هيا دي فيها حاجة .. هو علاء مبارك ده مشهور قوي للدرجة إني لما ما أعرفهوش تصوت ... لأ ... انا خلاص هاتجنن .. يابني علاء مبارك ده ابن محمد حسني مبارك آه .. كده فهمت ... مين بقى محمد حسن مبارك ده ...!!! آه ... انت ما بتردش ليه .. هو أنت أغمى عليك .. صاحبي .. صاحبي .. فوق يا صاحبي أمّا أشممك شوية كولونيا .. الحمد لله أنت فقت أهو .. أنت أغمى عليك ليه لم سألت عن مين محمد حسني مبارك ده ...انت اغمى عليك تاني .. انت ما بتردش ليه .. خلاص مش هاسأل السؤال ده تاني .. شم الكولونيا بقى ... الحمد لله انت فقت أهو كمل بقى ... حاضر هاكمل .. بس آخد نفسي ... تسربت أخبار أن علاء مبارك اتصل بعصام الحضري في سويسرا أو عصام اتصل بيه من سويسرا وعيط له في التليفون مين عيط لمين ...!!؟؟ عصام عيط لعلاء وقال له يا علاء بيه أرجوك .. أبوس إيدك أنا عاوز احترف علاء : ارجع يا عصام ووعد مني انك تحترف عصام : ألف شكر يا علاء بيه .. ربنا يخليك لينا يا علاء بيه رجع عصام ... وبعدها بيوم عملوا تكريم لفريق منتخب مصر لكرة القدم اللي عصام الحضري حارس مرماه .. عملوا تكريم للمنتخب في رئاسة الجمهورية والريس منح كل واحد في المنتخب وسام الرياضة من الطبقة الأولى .. إيه وسام الرياضة من الطبقة الأولى ده .. لأ بقى ده موضوع يطول شرحه ...!! المهم وعصام وهوا بيسلم على الريس ميّل على الريس وعيط له شوية .. الريس طبطب عليه .. وقال له يابني أوعدك أحل لك مشكلتك .. قاله أنا عاوز احترف يا سيادة الريس ... الريس : هاتحترف يا حضري .. علاء كلمني في موضوعك وفهمني كل حاجة ... اطمن يا حضري .. أنا ما باتأخرشي عن علاء في طلب الريس : ياسمير ... مين سمير ده ..!!؟؟ سيمر ده هو سمير زاهر رئيس الاتحاد المصري لكرة القدم اللي بيدير وبيتحكم في كل أمور كرة القدم في مصر الريس : يا سمير .. جري سمير متجهاً للريس حتى كاد أن يقع على وشه (سمير مش الريس) .. أفندم يا سيادة الريس الريس : الحضري يحترف في سويسرا يا سمير خلال أيام ... سمير : تمام يا أفندم ... الريس : يافلان .. مين فلان ده ..!!؟؟ بصراحة ما أعرفوش الريس : يا فلان .. الجرايد تبطل كتابة عن الحضري وتبطل تجريح فيه واوعى أي حد يقول عن الحضري إنه غلط .. الحضري محترم وهايفضل محترم .. الأهلي بطل وهايفضل بطل فلان : أوامرك يا أفندم اليوم التالي : سمير زاهر في تصريحات هامة للصحف القومية واللي مش قومية اليومية واللي مش يومية : الريس تدخل في موضوع الحضري والأزمة سيتم حلها خلال ساعات . الجرائد : الرئيس يكرم المنتخب ويعد الحضري (البطل القومي المحترم الرجل ذو المبادئ العريضة والأخلاق الرفيعة) بالاحتراف في سويسرا ... "لاحظ الفرق بين مانشيتات الجرائد قبل وبعد تدخل الريس" .....!!! النادي الأهلي : في اجتماعات مستمرة لحل مشكلة الحضري بما يتناسب مع تنفيذ أوامر الرئيس وبما يحفظ ماء وجه الأهلي باختصار .. الموضوع اتطبخ ... والأهلي مش هايفتح بقه والحضري سيحترف في سويسرا ومبارك وجمال وعلاء سيظلون الصدر الحنين للمصريين ... يا جماعة اللي عاوز يحترف في سويسرا يتصل بعلاااااااااااااااااااااا اااااء مين علاء ده بقى ....!!؟؟؟ تاني ... منك لله ... خلاص أنا حرمت مش هاسأل تاني ... انت ما بتردش ليه .. طب شم الكولونيا دي .. انت ما بتردش ليه .. طب شم البصلة دي .. يا خبر أبيض ... انت ما بتردش ليه .. هو انت مت ................!!!!!!؟؟ ألحقووووووووووووووووووووو وووووووووووني يا سيادة الرئيس ... يا من رق قلبك لمن بلغ الخامسة والثلاثون عاماً ولم يحترف في الخارج .. كما شاباً مصريا بلغ الخامسة والثلاثون ولا يجد وظيفة يعملها ولا مصدر دخل يعيش به كما شاباً بلغ الخامسة والثلاثون ولا يستطيع تدبير تكاليف الزواج ليكمل نصف دينه ويكون أسرة كما شاباً بلغ الخامسة والثلاثون ولا يجد حجرة وليس شقة ليسكن فيها كما شاباً بلغ الخامسة والثلاثون مات على شواطئ إيطاليا ودول الاتحاد الأوروبي ذلك الشباب الذي توفي وقال عنه مفتيك الذي عينته أنه شباب طماع .. فما بال مفتيك لم ينبس ببنت شفتيه .. ولم يقل على الحضري أنه طماع .. إيه يا دكتورعلي جمعة .. ما أسكت الله لك حساً ... أيهما الطماع .. الحضري الذي يحصل في العام الواحد على ما يزيد عن المليون جنيه أما الشباب الذي مات وهو يحاول السفر إلى الخارج بحثاً عن بضعة جنيهات تعينه على أن يحيا حياة آدمية .. واللا يا دكتور جمعة ... طالما الرئيس قال فلا راد لقوله ........!!! وحسبنا الله ونعم الوكيل ...
__________________  سبحان الله وبحمده سبحان الله العظيم    |
|
04-05-2008, 08:16 PM
| ||||
| ||||
 رد: سمع هس مبارك وعلاء والحضرى والمفتى ورقصنى ياجدع ههههههههههههههههههههههههه ههههههههههههههههههه انت شكلك عايز تضيع نفسك يابنى الله يرحمك |
|
11-30-2009, 05:39 PM
| ||||
| ||||
| رد: سمع هس مبارك وعلاء والحضرى والمفتى ورقصنى ياجدع وحسبنا الله ونعم الوكيل ... فعلا وكلنا ندعى ان ربنا يرحمنا منهم
__________________  lost without u |
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | إبحث في الموضوع |
| انواع عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| وحشتنا ياجدع والله | د/احمد | Family House of Melody7 Members | 4 | 03-28-2008 06:11 AM |
| ميكس اغنية ارجعلى ...... ارجعلى ورقصنى يا جدع.......!!!!!!! | eso10 | الالبومات الكاملة والاغاني السينجل والكليبات لتامر حسني | 4 | 11-24-2007 08:42 AM |
| عمرو زكي وحازم أمام وعلاء عبد الغني يواصلون تدريباتهم العلاجية | *`•.мέĻôđŸ 7.•´* | رابطة مشجعين نادي الزمالك | 1 | 11-16-2007 01:44 PM |
| جوزية يعاند والحضرى يحلم ونحن نشاهد مسلسل الاشارة | medo_elnagar | رابطة مشجعين النادي الأهلي | 0 | 10-22-2007 05:37 PM |
| سوزان مبارك تنفى الشائعات حول صحة الرئيس مبارك | ابو حنان | الأخبـــار - The News | 6 | 09-15-2007 08:54 AM |
العرض العادي
