بس يا واد .. اخرسي يا بِت !!!

**maroooo** · #1 (**permalink**) 09-04-2008, 06:18 PM

بس يا واد .. اخرسي يا بِت .. طااااااخ

قبل ما ابتدي بالتوبيك عايزه اعرفكم على أسلحة الدمار الشااامل

دي مش الاسلحة المحرمة دوليا في الحروب

دي اسلحة الاباء والامهات واللي بردو محرمة دوليا

نخش في الموضوع ...

ممكن يغلط الطفل او يكدب او يسئ التصرف قدام الناس

يعني ممكن يعمل اي حاجة تغضب مامته او باباه

طبعا دور الام والاب انهم يقوموه ويصححوله اخطاؤه

لان هي دي التربية .. وكل طفل محتاج للتربية

لان الانسان وهو طفل بيبقى خام

والبيئة والاسرة هي اللي بتشكله

يا ترى ...

انت كأب في المستقبل وانتي كأم في المستقبل

ازاي هتكون طريقتكم في التربية ؟

ممكن تتبعوا ثقافة الغرب في التربية

يعني مش تفكروا في الضرب كوسيلة

واحنا عارفين ان الغرب الطفل اللي بيتضرب عندهم

ضرب مبرح او غير مبرح اهله بيتعرضوا لمساءلة قانونية

واحتمال كبير ان المجتمع ياخد منهم طفلهم

عشان يتربى في مؤسسات توفرله بيئة احسن

يعني مفهوم التربية عندهم مش بيعترف بالضرب

انما بيعترف بالعقوبات .. مثلا

انت اليوم يا ابني كدبت عليا او قليت أدبك او مش زاكرت

يبقى ما فيش تلفزيون او ممنوع تخرج بره البيت في اجازة الاسبوع ده

او اخوانك هياكلوا الشوكولاتة اللي بيحبوها وانت مالكش شوكولاتة.

يا ترى ممكن تتبعوا الاسلوب ده ؟

.::. .::. .::. .::. .::.

ولا ممكن تتخذوا الضرب كوسيلة للتربية

وطبعا الضرب الغير مبرح واللي تكلم عن الرسول

في حديثه ((واضربوهم عليها لعشر))

لما وصى الاهل انهم يضربوا اولادهم

لو امتنعوا عن الصلاة عند عشر سنين

معنى الكلام ده ان التربية الاسلامية بتقر الضرب ومش بتمنعه

انتوا ...

ازاي بتفكروا في المسألة دي ؟؟

وايه نظريتكم في التربية ؟؟

يعني ايه الطريقة اللي هتتبعوها ان شاء الله في المستقبل مع اولادكم ؟؟

عاوزاكم تتكلمو عن اللي هتعملوه مع اولادكم

**الحب** · #2 (**permalink**) 09-07-2008, 12:18 AM

موضوع جميل اوى منك اختى الغاليه مارووو
وإن شاء الله ربنا يقدرنا ونقدر نحقق لآولادنا اللى ما عرفناش احنا نحققه

وربنا يوفق الجميع

ماروووو
اليكى خالص تقديرى

**نعمة الله** · #3 (**permalink**) 09-10-2008, 08:43 PM

موضوع جميل اوى يا مروة
وطبعا الواحد عايز يشوف ابنه احسن منة دة حقيقة
ويارب نعمله كل شئ حلو وبطريقة ايجابية
وكل زمن بيفرق عن الزمن الاخر
يعنى مثلا ابهتنا وامهتنا متربية فى زمن كان لية عادات وتقاليد احنا اجينا بزمنا ولينا تقاليدنا وعادتنا
ودة فرق كبير فى كل زمن وطبعا بيفرق فى التربية لا ن بيكون فى وعى اكثر
شكررا ليكى يا جميل على الموضو ع الجميل دة

**maroooo** · #4 (**permalink**) 09-15-2008, 12:15 AM

ميرسى ليكم ولمروركم

ولردكم فى الموضوع

ونورتونى

Mahy** · #5 (**permalink**) 09-15-2008, 01:02 AM

شكرا ليكى يا مارو على الموضوع الرائع كروعتك وان شاء الله الواحد يتمنى يربى اولاده بالطريقة اللى اتربى بيها بالتدين والاخلاق وقدر من الثقة مع المتابعه هما دول احلى سلاح واقوى وسيلة للتربية الصحيحة . ونسال الله ان يرزق جميع اعضاء المنتدى بالازواج الصالحة والذرية الصالحه.

**mohamed hero** · #6 (**permalink**) 09-15-2008, 02:01 AM

توبيك هايل اوي يا مارو
و انا من راي الضرب مباح بس مش اي حاجه الطفل يعملها ينضرب علشانها
لاني بشوف بصراحه ناس بتتضرب الطفل علي حاجات تافهه
يعني انا من يومين كده كنت خارج وواقف في الشارع
لقيت ام بتضرب بنتها ( طفله ) علشان مشيت وراها و مش مشيت جمبها ( خايفه لا تتوه )
بجد سبب تافه جدا علشان البنت تنضرب علشانه واتغظت اوي من و كنت عايز اضربها
لكن برده الضرب ضروري بس في حالات الغلط الكبيره
الي ممكن تاثر علي مستقبله
لان لو مفيش ضرب و خصوصا من الاب ساعتها ولاده مش هيخافه منه
و مش هيقدر ينفذ كلمته عليهم و مش هيبقي ليهم كبير يخافوا منه صح و لا ايه ؟؟!!