البنات وفضائح المحمول

**الحب** · #1 (**permalink**) 04-03-2008, 04:46 PM

اتحدث عن ظاهرة في منتهي الخطورة تتعلق بفتيات جيلى الغاليات حيث انتشرت على مواقع الانترنت بشكل يدعو الى الذهول مقاطع خاصة للعديد من الفتيات في جلساتهن الخاصة البريئة وهن يرقصن على راحتهن متحررات من العديد من ملابسهن ولم يتخيلن ان تنتقل هذه الجلسات الخاصة الى الملايين وتكون الفضيحه بجلاجل . طبعا السيناريو بدأ بكاميرا محمول تحملها احدى الفتيات ( والقعده كلها بناتي ) ثم تعطي هذه الفتاة الفيلم لزميل لها والذي يقوم بكل خسة وحقارة برفع هذه الافلام الى عشرات المواقع الاباحية المجانية التى لا هم لها سوى نشر الرذيلة .
طبعا لن اتحدث عن الكليبات الاخرى التي تنقل لقاءات الحرام في غرف النوم بعلم او بدون علم الفتيات لان من تقدم على هذا الفعل عليها أن تدفع الثمن غاليا جدا وهو ثمن يستمر عبؤه طويلا طويلا في حياتها وبعد مماتها.
ولقد فوجئت بكم هائل من ردود الافعال من بعض البنات والسيدات اللاتي كن غافلات عن هذه المصيبة واقول لهن لاتصوير الا في حالة الحشمة الكاملة لانه لا شيئ مضمون وسوف اقص عليكم بدء من مقالي القادم بعض القصص المحزنة والمخجلة والتي جائتني عبر الاميل ولم اكن اتخيل ان الموضوع بهذه الحجم من الانتشار
واكرر رسالتي مرة اخري الى الشاب الذي يقوم بهذا العمل الخسيس : هناك حسنة جارية وهناك ايضا سيئة جارية ستظل تتضخم وتزيد طالما ظل الفيلم على شبكة الانترنت ولن سيل السيئات بموتك بل ستتضاعف بعد موتك لتدخل جهنم بسبب كليب .

**اجمل حب** · #2 (**permalink**) 04-03-2008, 08:51 PM

ظاهرة فعلاً مخيفة جداً يا احمد

يارب يعينا ع الايام اللي جايا

ويحفظ عرضنا واعراض المسلمين جميعاً

**حازم امام** · #3 (**permalink**) 04-05-2008, 09:27 PM

احب اعرفك ياحمد ان المصيبه السوده
ان البنات دى عارفه هى بتتصور
يعنى شىء عادى عندها
مش زاى مانت فاكر بتتصور وهى متعرفيش
انت طيب اوى

**لقاء الامورة** · #4 (**permalink**) 04-06-2008, 05:02 PM

بجد الحاجات دي كترت اوي وزادت اوي

وبقت لا تطاق

وزي ما قال حازم في بنات هي اللي بتطلب تتصور

وبتبقى مبسوطة وهي بتتصور

ويمكن يكون فئة قليلة مش عارفة والله اعلم

تسلم ايديك يا احمد على المواضع النار دي

**محمود النمر2010** · #5 (**permalink**) 06-16-2008, 04:44 AM

عندك حق لكن اية العمل او اية احل

**ابو حنان** · #6 (**permalink**) 06-16-2008, 06:05 AM

شكرا ليك يا استاذ
أحمد
على طرحك للموضوع
***
بس ما حدش بيضرب حد على يده
كل واحده بتعمل كل شيىء بمنتهى الحريه
ويمكن تكون كمان موصيه حد يصورها
عشان تتفرج على نفسها
***

**mohamed hero** · #7 (**permalink**) 06-16-2008, 09:42 PM

زي ماقال فعلا حازم
يا احمد
البنات دي بتبقي عايزه تتصور
و انا شفت فيديو
تسجيل من قناه علي الدش
وكان
بيتناقش الموضوع ده
و دخل واحد من الي بيعملوا كده
علي التيلفون و قال هم بيصوروا البنات
وهم بيبقوا عارفين
بس كانوا بيشترطوا علي الولد انه مينقلش الفيديو
لحد تاني
لكن طبعا الشاب الي يعمل الحاجات دي
مايتخدش منه وعد
فيقوموا بينشروها علي الانترنت
او ينشروها بين اصاحبهم
و بصراحه
الحاجات دي كلها دليل علي الانحلال الاخلاقي الي بيوصل ليها
المجتمع بتاعنا
ده نتيجه لغياب عوامل كتير
زي غياب دور الاسره ثم دور التعليم
و ظهور عوامل تانيه بتدعوا للانحلال ده زي
بعض
قنوات الدش
و احيانا الافلام
و عد بقه علي كده

بجد ربنا يستر علي جيلنا ده
و اكتر علي الجيل الجاي
لان اباهتهم هم جيلنا

**moon light** · #8 (**permalink**) 06-16-2008, 09:50 PM

فعلا يا احمد الموضوع ده انتشر بطريقه غريبه

المشكله الاكبر ان المفروض ان البنت يكون عندها وعى بأنها كده غلطانه وترفض موضوع التصوير ده بأى طريقه

علشان متخليش حد من اصحاب النفوس الضعيفه انه يستغلها كمان الانسان اللى بينشر الموضوع ده ازاى يعمل كده

مش عارف انه كما تدين تدان وانه زى ما عمل كده مع بنات الناس بكره يشوف حد من اقرب الناس ليه فى نفس الموقف

ربنا يحفظ شباب وبنات المسلمين ويهدينا لصالح الاعمال

تحياتى على موضوعك المتميز

**د/احمد** · #9 (**permalink**) 06-17-2008, 02:01 AM

دول عالم زبالة
ازاى اصلا هيا ترضى انة
حد يشوفها كدة وتصور كمان
بيييييس على الاخر
حسبى الله ونعم الوكيل
شكرا يااحمد على الموضوع

**الشاعرة الصغيرة** · #10 (**permalink**) 06-19-2008, 01:07 AM

بجد بقت ظاهرة غريبة فى المجتمع
واختفاء القيم والاخلاق وغياب الضمير
والرقابة على النفس هى اللى بتوصل
المجتمع للانحلال الاخلاقى
ربنا يسترها علينا كلنا
وشكرا يا أحمد على موضوعك
وياريت كل بنت تاخد بالها
وتحافظ على نفسها